බලා පාරුවේ හැඩ ගිලී මියෙන දන

ඉවුරු කඩාගෙන දෙගොඩ තලා ගිය 

ගංගාවක් මැද දියෙන් වැසී යන 

කුඩා දුපතක අතරමංව ඔබ 

මරණය ඈතින් පිහිනා එන කල 

සැඩ ජල කඳ තරණය කරගන්නට 

කැඩී බිඳී සුන්බුන් වූ අතුරිති 

පමණක් දකිනා මාරක මොහොතක 

පහුරක් පාවී අසලට ආකල 

"පහුරේ හැඩයට මා කැමතිම නැත"

"එය බැඳ ඇත්තේ පන් පට වලින්ය" 

"ලී වල වර්ණය ඇසට සොඳුරු නැත"

"සැදූ කෙනාගේ වතගොත කුමක්ද?"

මේ ලෙස සිතමින් දියේ ගිලෙනවද?

දිරච්ච අත්තක එල්ලී යනවද?

සිහි නුවණින් තීරණය ගන්නවද?

පාරුව කුමක්ද වටහා ගත්තද?