Friday, 1 January 2021

ආයෙමත් මල් පිපිලා - මියැදෙන්නට



















අහසින් බිමට බැස රොබරෝසියා වියන
සුදුවැලි මාවතේ බුමුතුරුණු අතුරලා
ඔබේ හද මැදුර වෙත එමග පිය නගන්නට
ලැබුණු ආරාධනා නොහැඟුනා නොවේ මට 

යෞවනයේ කිරි සුවඳ කටගාන අවධියේ
ඔබෙ සොඳුරු දෙතොල් පෙති හාදුවෙන් සරසන්න
සිහින ලොව පසුකරන් එන්න නොතිබූ එඩිය
අද කුමට සොදුරියේ කොඳුරාවි  බිඳුණු හද 

මල හිරුගෙ රත් සේල සැලෙන සැන්දෑ සමේ 
රොබරෝසියා වියන පිබිදිලා අයෙමත් 
නැවත ආ නුඹ මහද අරණ තුල වැළඳ ගමි 
බැරි නිසා ලබන්නට ඇඟිලි තුඩු පහසවත්  

කඳුකරේ කොටු පවුරු අතර සිරවූ ඔබේ 
නෙතු දකිමි තරු රටා අතර දිලෙනා රැයේ 
තනිකමත් පාළුවත් සිත පෙලන යාමයේ 
සිහින ලෝකයටවත් එන්න මගේ කුමරියේ 

සත් සමුදුරින් එපිට වැළපෙනා හදවතක 
අරුත කීම අසයි මංමුලා වූ සිහි නුවණ 
මතු භවයකදි ලැබෙන තෙක් ඔබව මගෙම වී 
සමුගනිම්දෝ කෙසේ තැවෙන හද ඉකිබිඳී 

- චන්දි

No comments:

Post a comment