ඉදිරිය ගැන කල්පනාවෙන් යන්න

බලය අත්හැරීමටම සිදු වුවහොත් ඔවුන් ඊට පෙර කල හැකි සියළුම විනාශයන් සිදුකරනු ඇත.

-පොල් පෝට් රජයේ අවසාන සමය

-------------------------------

මීට මාස හයකට පෙර තිබූ පින්තූරය දැන් වේගයෙන් වෙනස් වෙමින් ඇත. ඉන්දු-ඇමරිකන් ඇසින් බලන විට ඔවුන් බලාපොරොත්තු තැබූ සියළුම චරිතාංග අසමත්වෙමින් පවතී.

මා දකින පරිදි ඉතා කෙටි කලකදී ලංකාවේ සිටින සියළුම දුෂිත දේශපාලකයන් එක් කඳවුරකට ගාල් වන අතර කල වැරදිවලට ජන සමාව ලැබිය හැකි මට්ටමේ බොහෝ දෙනා ඉන් ඉවතට පනිනු ඇත. බලයද සමග එකට ගාල් වන දුෂිතයන් සාමකාමීව බලය අතහැර නික්ම යතැයි ඔබට සිතෙයි නම් ඔබ ලෝක ඉතිහාසය කියවා නැත. මන්ද ඔවුන්ට නික්ම යන්නට සිදුවන්නේ තම නිවසට නොව සිපිරි ගෙට හෝ පෝරකයට වන බැවිනි. මේ නිසා ඔවුන් do or die සටනකට පිවිසෙනු ඇත. එය democratic limits වලින් ඉවතට යාමට බොහෝ දුරට ඉඩකඩ ඇත.

ලාංකිකයාට ඉදිරියේදී වෙන කවදාවත් නොතිබුණු තරම් බුද්ධියේ අවැසි බව දැනෙනු ඇත.

කිසි විටෙකත් පාලකයාට පෙර ජනතාව democratic limits ඉක්මවා නොයාමට වග බලාගත යුතුය. පාලකයාට අවැසි එම වරද ජනතාව අතින් සිදුවනවා දැකීමටය. ඔවුහු අඬන්න බලාගෙන සිටිති. ඔබගේ ඇඟිල්ල වනද්දී ඔබ ඉතා සැලකිලිමත් වන්න.